Өзгөчө кырдаалдар министри Бообек Ажикеев 15-майда Нарын облусуна караштуу Ак-Талаа районуна барды. Аталган министрликтен кабарлашкандай, анда жер титирөөнүн айынан жабыр тарткан турак жайлардын абалы менен менен таанышып, жергиликтүү тургундар менен жолукту.
15-майга карата райондо табигый кырсыктан жабыркаган турак жай, социалдык объекттердин саны 120дан ашты. Учурда иликтөө, табигый кырсыктын кесепетин тактоо иштери уланууда.
Жабыркаган үйлөрдүн көбү Көк-Жар, Жаңы-Талап жана Ак-Кыя айылдарында катталганы белгилүү болгон.
Жогорку Кеңештин 14-майдагы жыйынында депутат Мирлан Самыйко жер титирөөдөн жабыркаган аймакка жетиштүү көңүл буруу керектигин айтып чыккан.
Нарында 12-майда очогунда күчү 4 жана 5,5 балл болгон эки жер титирөө катталган.
Дагы караңыз
Шерине